Uitkampteater

KKNK-2017-web-Uitkampteater-bladsy-header

Uitkampteater trek ’n uitgebreide baadjie aan in 2017.

Na die wegholsukses van verlede jaar se eerste Uitkampteater-inisiatief, word die aanbod vanjaar uitgebrei. Ingesluit by die program is twee innoverende produksies van Nederlandse kortkunsspesialiste, die Eden Dramafees se wenproduksie en opwindende werke van jong en gevestigde teatermakers. Die samestelling sorg vir ’n verskeidenheid van genres om jonk en oud te vermaak. Uitkampteater kan gesien word voor die Absa Burgersentrum en by Arbeidsgenot.

Uitkampteater is met die kykNET Fiëstas se Blou Stoel bekroon en is deur die paneel beskryf as “die mees opwindende teaterervaring van die jaar”. Maak seker jy beleef vanjaar dié innoverende teaterstukke:

AFSNYPUNT

Drama

Met Brutney Singrew, Llewellyn Bond en Samuel Jumat Teks Samuel Jumat en Llewellyn Bond Regie Samuel Jumat Tegnies Royston Dirk
’n Ongehoorsame en astrante jong man, Kyle, word deur sy ouers in ’n kamer toegesluit. ’n Verregaande straf, maar hy word geleidelik gewoond aan sy nuwe omgewing. Die vertrek is gevul met ’n klomp poppe. ’n Onbekende vent verskyn op die toneel, met vreemde voorstelle. Kyle weier om toe te gee, maar dan gebeur iets interessant met Kyle en een van die poppe. Wenners van die Eden Dramafees in 2016, aangebied deur die departement van kultuursake, sport en ontspanning van die Wes-Kaapse regering.
Afrikaans | Gesin | R20 | 20 min. | Voor Absa Burgersentrum
Daagliks 10:00 tot 12:00 en 15:00 tot 19:00

KKNK-2017-web-Uitkampteater-bladsy-Afsnypunt
KKNK-2017-web-Uitkampteater-bladsy-Diep

DIEP

Nieverbale teater

Met Daan Mathot en Jan-Joost Alberts Regie en teks Daan Mathot Produksiehuis volDaan
’n Kort, nieverbale teaterproduksie wat smokkel met jou kop. Wees versigtig vir goed wat van bo na onder val. ’n Man in ’n diep gat sukkel met sy omgewing. Die omgewing is knorrig en werk op sy senuwees. Hoe sal hy ontsnap? Diep is ’n optiese illusie wat jou brein sal laat wankel. Dit is vars, anders, en interessant.
Nieverbaal | Geen o/5 | R20 | 10 min. | Voor Absa Burgersentrum
Daagliks 10:00 tot 12:00 en 15:00 tot 19:00

DIE TORINGVROU

Poppeteater

Met Nieke Lombard Teks, ontwerp en regie Nico Scheepers
Die toringvrou is ’n magiese reis van herinnering en nostalgie, ’n unieke ervaring met ’n groot hart wat baie hase uit die hoed pluk om die storie te vertel. Kom verdrink in die oudste waarheid: Maak nie saak hoe jonk jy is nie, jou storie is ’n epiese gedig.
Afrikaans| Gesin | R20 | 20 min. | Voor Absa Burgersentrum
Daagliks 10:00 tot 12:00 en 15:00 tot 19:00

KKNK-2017-web-Uitkampteater-bladsy-Die-Toringvrou
KKNK-2017-web-Uitkampteater-bladsy-Tweespalt

TWEESPALT

Narrespel

Met Jazzara Jaslyn en Klara van Wyk
Die verhaal van twee misplaaste, ewig kibbelende sibbe, wat weggehardloop het van hul miserabele lewe in ’n wêreld van middelmatigheid. Hulle begeer om die grense van die moderne kunste te toets, en die enigste medium tot hul beskikking is die vrugte wat hulle uit die kombuis kon steel voordat hulle weggehardloop het.
Nieverbaal | Gesin | R20 | 10 min. | Voor Absa Burgersentrum
Daagliks 10:00 tot 12:00 en 15:00 tot 19:00

THE SWAN SONG

Physical theatre

With Buhle Ngaba Script Buhle Ngaba Director Ilana Cilliers Artist Amy Rusch Stage manager Ryan Haynes
There is an ancient belief that swans, who are usually silent, burst into song with their dying breath. The swan song is the metaphor used to describe the final gesture or performance given by an artist just before death or retirement. Actress Buhle Ngaba uses this metaphor in a solo physical theatre piece to illustrate a woman’s recollection of experiencing love as an emotional and physical disease. The audience finds themselves immersed in a nest, bearing witness to the dying swan unleashing her first flood of words upon the world. In memory of Brett Goldin.
English| Family | R20 | 20 min. | In front of the Absa Burgersentrum
Daily 10:00 to 12:00 and 15:00 to 19:00

KKNK-2017-web-Uitkampteater-bladsy-The-Swan-Song
KKNK-2017-web-Uitkampteater-bladsy-Sandra-se-laaste-show

SANDRA SE LAASTE SHOW

Drama

Met Igna Botha Teks  Igna Botha Regie  David Brink
Haar grootste droom was om eendag ’n ster te wees, maar sterre brand uit tussen mielies, myne en stof. Terwyl ’n ikoniese Suid-Afrikaanse aktrise ’n stowwerige verhoog betree, breek pandemonium uit oor ’n dorre stukkie van die ou Transvaal. Die skielike flits van ’n suiwer wit lig het borrelende riviere, vernietigende haelstorms en sinkende teerpaaie in die strate van Klerksdorp tot gevolg. Uit die mond van ’n paar inwoners probeer almal uitpluis wat presies daardie aand gebeur het. Is Sandra darem oukei? Het die Here ’n draai kom maak? En waar is die tannie wat die tuine uitlê?
Afrikaans | Gesin | R20 | 20 min. | Voor Absa Burgersentrum
Daagliks 10:00 tot 12:00 en 15:00 tot 19:00

WENTEL

Ruimtelike teater

Met Sonja Volmer en Dagmar Geerlings Konsep en ontwikkeling Sonja Volmer
Wentel is ’n reis wat jou onmiddellike omgewing letterlik omkeer en jou die wêreld uit ’n nuwe perspektief laat sien. Kom loop op boomtakke met behulp van ’n eenvoudige stuk gereedskap in hierdie unieke en onthutsende ervaring, wat jy nog nooit beleef het nie. Wentel het die eerste prys van die Royal Academy Bachelor Award in Den Haag gewen.
Engels | Geen o/5 | R20 | 8 min. | Voor Absa Burgersentrum
Daagliks tussen 10:00 tot 12:00 en 15:00 tot 19:00

KKNK-2017-web-Uitkampteater-bladsy-Wentel
Word koei

WORD ’N KOEI EN ONTSNAP JOU QUARTER-LIFE CRISIS

Sketskomedie

Met Llandi Beeslaar Regie en teks  Llandi Beeslaar
Llandi Beeslaar is in haar laattwintigs en haar lewe lyk vreemd. Met haar hoërskoolreünie wat voorlê, is daar nie veel om oor te brag nie. Kom lag saam soos sy komiese stories deel van ouer word, vetter word en somtyds maller word.
Engels en Afrikaans | Geen o/12 T | R20 | 20 min. | Voor Absa Burgersentrum
Daagliks 10:00 tot 12:00 en 15:00 tot 19:00

IR(RAS)SIONEEL

Kabaret

Met Des-Lee McKenzie, Lize-Marie Richardson en Lehandi Eygelaar Teks en regie: Des-Lee McKenzie
Ná meer as twee dekades van demokrasie in Suid-Afrika, word bestek geneem van ons reënboognasie. En dit word gou duidelik: Bo blink, onder stink. Diversiteit kan ons immers nog verder van mekaar vervreem. Die draak word gesteek met kwessies wat wissel van velverbleiking tot transformasie in sport.
Afrikaans en Engels | Geen o/16 T G V | R20 | 20 min.
Daagliks 10:00 tot 12:00 en 15:00 tot 19:00

Irrasioneel 500x400

Uitkampteater bied vanjaar ook vier opwindende kortkuns-produksies vir kinders. Maak seker jy vat die kleinspan om teater in dié formaat te beleef.

CINDERSHOELER

Physical theatre

With Jurgen McEwan, Caleb Peter and Kurt Jonas Director Chenal Kock
Once upon a time in a small village a little girl went hunting, not knowing what to expect, when her journey started to magically unfold. The journey begins and ends like every story, but do the different shoes waiting on her journey bring a twist to her adventure? Let’s find out what Cindershoeler is up to. Cindershoeler is a children’s theatre piece that explores an adventurous world of physical fantasy.
English | Family | R20 | 20 min. | At the ATKV-Neelsie Theater
Daily from 09:30 to 15:00

KKNK-2017-web-Uitkampteater-bladsy-Kinders-Cindershoeler
KKNK-2017-web-Uitkampteater-bladsy-Kinders-In-die-woud (1)

IN DIE WOUD

Nieverbale teater

Met Jurgen McEwan, Caleb Peter en Kurt Jonas Regie  Chenal Kock
Dié uitsonderlike ervaring neem jong gehore op ’n nieverbale reis deur die natuur. Kom saam op hierdie ontdekkingstog, waar natuurlike klanke in die storie verweef word om ’n droomwêreld te skep.
Gesin | R20 | 20 min. | By die ATKV-Neelsie
Daagliks van 09:30 tot 15:00

KATTEKWAAD

Kinderteater

Met Chanmari Erasmus, Nelien Smith en Schoemé Grobler Teks, regie en ontwerp PuppeTrix Musiek  Angelo Mockie
Hoofnuus vandag: Sylvester, die Karoo se rondloperleeu, is in die spervuur. By die hof heers daar ’n gespanne atmosfeer. Die beroemde rondloperleeu en sy handlanger getuig van onvergeetlike avonture, maar wat sê die hof? Is Sylvester skuldig of onskuldig? Kom loer in en besluit self.
Afrikaans | Gesin | R20 | 20 min. | By die ATKV-Neelsie Teater
Daagliks van 09:30 tot 15:00

KKNK-2017-web-Uitkampteater-bladsy-Kinders-Kattekwaad
KKNK-2017-web-Uitkampteater-bladsy-Kinders-Nog-meer-Kattekwaad

NÓG MEER KATTEKWAAD

Kinderteater

Met Chanmari Erasmus, Nelien Smith en Schoemé Grobler Teks, regie en ontwerp PuppeTrix Musiek  Angelo Mockie
Sylvester se grootste vyand is weer op sy spoor. Is die kattekwaad werklik verby of gaan ’n nuwe avontuur begin?
Afrikaans | Gesin | R20 | 20 min. | By die ATKV-Neelsie Teater
Daagliks van 09:30 tot 15:00

Moontlik gemaak deur die Koninklike Nederlandse Ambassade, Pretoria en Clover

Logo-HOLLAND
CLOVER

CONTACT US

We're not around right now. But you can send us an email and we'll get back to you, asap.

Sending

© 2017 KKNK. Alle Regte Voorbehou. Digitale Projekbestuur deur Lumico

Log in with your credentials

Forgot your details?