KYKNET

KKNK-2017-sponsors-web-Borgeboodskappe-fotos-250x250-kykNET

Sedert die ontstaan (1999) van kykNET ondersteun ons die KKNK. kykNET is “kunste-gierig” omdat ons deur middel van ons betrokkenheid by die kunstefeeste die hele ekosisteem van die kunste en vermaak in Afrikaans wil ondersteun en help om te groei. kykNET glo in gesonde vennootskappe met die feeste en die gemeenskappe waarin die feeste aangebied word, daarom reik ons uit buite die feeskern om mense deel te maak van die feesvieringe.

 

kykNET is integraal deel van talent in Afrikaans en ’n belangrike werkskepper in die bedryf. Deur die Fiëstas en die Fiësta-paneel belê ons daarin om almal te sien wat by die vervaardigende feeste optree, en raak te sien. In 2017 het die Fiësta-paneel nie minder nie as 197 produksies bygewoon. Hierdie jaar beloof dit om selfs meer te wees, danksy die werk wat feeste soos die KKNK op die planke bring.

 

Kom kuier saam met ons by die vele projekte wat ons vanjaar ondersteun. Van die produksies by die kykNET Hoërskool tot konserte in die Rivierbuurt. Kom groet gerus in Baron van Reedestraat waar ons daagliks gratis optredes deur van ons bekendste en beste kunstenaars aanbied, en waar kinders kan saamspeel op ons reuse-springkasteel.  

 

Baie dankie aan ons kykers en feesgangers vir jul volgehoue ondersteuning.  

In April vanjaar skop ons af met ’n vyfde reeks van ons geliefde Kaapse storie Suidooster; in Julie met ’n lekker saampraatprogram, Tussen ons, aangebied deur onder andere Zelda la Grange, Kay Karriem en Tracey Lange; en in Oktober begin ons met ’n splinternuwe telenovelle, en dit alles net op kykNET & Kie. kykNETNOU! is die gewildste musiekkanaal in Afrikaans waar jy kan saamsing en dans op die nuutste musiek, wat wissel van hip-hop en sokkie tot pop en rock.

 

Vir nou sing ons eers saam met die straatkunstenaars “dis lekker by die kunstefees”.

 

Karen Meiring

M-Net-direkteur: Afrikaanse kanale

CONTACT US

We're not around right now. But you can send us an email and we'll get back to you, asap.

Sending

© 2018 KKNK. Alle Regte Voorbehou. Digitale Projekbestuur deur Lumico.

Log in with your credentials

Forgot your details?